Click to listen highlighted text! Powered By GSpeech
Get Adobe Flash player
ابعت رقم 73 علي رقم 9797 وساهم في دعم المجموعه73مؤرخين علشان لوطننا تاريخ يستحق ان يروي ***** ابعت رقم 73 علي رقم 9797 وساهم في دعم المجموعه73مؤرخين علشان لوطننا تاريخ يستحق ان يروي ***** ابعت رقم 73 علي رقم 9797 وساهم في دعم المجموعه73مؤرخين علشان لوطننا تاريخ يستحق ان يروي

سؤال وجواب عن حرب اكتوبر

 

 

 

 

ده موضوع موجة للمشككين في تاريخ الحرب وبه أجوبة عن اغلب الاسئلة التي يطرحها البعض ببراءة

او يطرحها لغرض خبيث وهو تشوية التاريخ ............ اتمني الموضوع يعجبكم وتنشروة في كل حته .

 

 

س - ايه الخريطه دي انا مش فاهم حاجه ؟

ج - الخريطه دي تمثل وضع القوات المصرية والاسرائيلية في نهاية عام 74 من مصدر اسرائيلي - اللون الازرق يمثل القوات المصرية - اللون الاورجواني يمثل مناطق تمركز قوات البوليس الدولي ( كان اسمه كده وقتها ) اللون البني يمثل القوات الاسرائيلية .

===============

س يعني مصر لم تتقدم داخل سيناء الا المسافة دي ؟

ج - ايوة لان امكانياتنا العسكرية لم تسمح لنا بالتقدم اكتر من كده لعدم وجود طيران قوي يواجة الطيران الاسرائيلي المتفوق ولعدم وجود وحدات دفاع جوي متحركة بالعدد المطلوب علشان تغطي تقدم القوات البرية وتحميها من الطيران الاسرائيلي .

================

س - طب ما الاسرائيليين كانوا علي مسافه 101 كيلو من القاهره ؟

ج - فعلا بس مكنوش يقدروا يتقدموا اكتر من كده وتم محاصرتهم وتجهيز الخطه شامل للقضاء علي الثغرة وفي يناير 74 انسحبوا من الثغرة بعد وقف اطلاق النار وطبعا انت عارف وانا عارف ان الاسرائيليين مش بيسيبوا اي ارض احتلوها طالما وضعهم كويس لكن في الثغره كانوا في وضع سئ جدا وده فيديو لهم وهما بينسحبوا فرحانين وعمالين يضربوا شماريخ لانهم خارجين من الحصار

https://www.youtube.com/watch?v=E6XECb66vp4&t=69s


=============

س - طب من الاخر احنا انتصرنا ؟

ج - الخريطة دي من موقع اسرائيلي عن قصد منا علشان تصدق بنفسك اننا حققنا المطلوب منا في التوجية الاستراتيجي اللي عمله السادات يوم 1 اكتوبر ووقع علية في حين ان اسرائيل فشلت في تنفيذ خطط الغزالة والقلب الشجاع وبرج الحمام - وكلها كانت فشل لهم وده وضح جدا في محاضر محاكمه القادة الاسرائيليين اللي بدأت تتسرب كل شوية تحت اسم لجنه اجرانات

وده فيديو مهم

https://www.youtube.com/watch?v=cF4dpCHWF-k&t=51s

 

 

 

==============

س - ايه تاني في الخريطه مهم ؟

ج - اللون الاحمر الداكن - يمثل منطقه الممرات الجبلية - اهم منطقه في سيناء كلها عسكريا وواضح انها تحت رقابه وحماية القوات الدولية يعني اسرائيل تخلت عن اهم ميزة استراتيجيه في سيناء .

 

==============

 

س - طب ما الاتفاقية دي حددت عدد معين من الدبابات شرق القناة زي ما في مذكرات القادة .

ج - صح بس انت وضعك اختلف ففي دقايق مش ساعات تقدر تعبر 1000 دبابه علي الكباري اللي فضلت منصوبة علي قناة السويس حتي فتح القناة - يعني لو حبيت تهاجم مش محتاج اكتر من قرار ودباباتك تكون علي خط المواجهه في ساعه بالكتير لكن الموقف السياسي المحنك من السادات خلي تنازله عن عدد كبير من الدبابات شرق القناة لابداء حسن النوايا معاهمم فقط .

 

==============

 

س - بس الجيش التالت كان متحاصر ؟

ج - صح كان محاصر بس تقدم وكسب ارض جديدة وكان موقفة عسكريا مش خطر بالعكس الروح المعنوية للرجالة خلتهم صامدين وبيتقدموا وينتصروا بالصمود


==============

س - خسرنا كام في الحرب ؟

ج - مفيش لحد دلوقت كلام موثق من الطرفين لكن التقديرات العالمية بتقول مصر خسرت 10 الاف ضابط وجندي ما بين شهيد ومصاب واسرائيل خسرت 6 الاف ما بين قتيل ومصاب ومصاب بمرض نفسي :)


============

س - يعني احنا خسرنا اكتر ؟

ج - ايوة خسرنا 10 الاف من شعب 30 مليون وقتها واسرائيل خسرت 6 الاف من شعب كله علي بعضه 5 مليون وقتها - احسبها انت ؟ واغلب خسايرنا كانت في قوات غير مقاتلة في الثغره كلها قوات شئون ادارية ومطابخ ومخازن وغير مسلحين .

============

س - أشرف مروان خاين ؟

ج - لا علي العكس ده اللي هما عايزينك تصدقة ، كفاية رد الرياسة المصرية بعد وفاه اشرف مروان واستقبال مدير المخابرات عمر سليمان لجثمان مروان في المطار كابلغ رد علي دورة .

============

س - بس هو قال للاسرائيليين معاد الحرب ؟

ج - صح هو قابل تسفي زاميرا مدير الموساد في لندن ليله 6 اكتوبر وقال لهم الحرب المغرب وهما صدقوا كده

============

س - طب ليه عمل كده ؟

ج - علشان الملك حسين راح اسرائيل بطياره هليكوبتر ومعاه زيد الرفاعي رئيس الوزراء بعد ما خلصوا اجتماع مع الفريق احمد اسماعيل يوم 1 اكتوبر 73 واللي اتقال في الاجتماع ده ان مصر وسوريا هتحارب يوم 6 ومقالش الساعه كام ، فراحوا قابلوا جولدا مائير وقالوا لها علي المعلومات دي وهي ولا ديان صدقوا الكلام ده لانه قال لهم نفس الكلام في اكتوبر 72 ومكنش فيه حرب وفي مايو 73 ومكنش فيه حرب ولما عرفت مصر ان الملك حسين قالهم كده ، راح اشرف مروان ( عميل المخابرات المصرية البطل ) علشان يقول لهم ان الحرب الساعه 6 علشان تكسب مصر 4 ساعات من ذهب في الحرب ، وبناء علي مذكرات جنرالات اسرائيلين – لم تتحرك اسرائيل الا بعد فوات الاوان كل اللي عملوة بس انهم استدعوا احتياطي الطيران وملحقوش يعملوا حاجه .

فيديو اعتراف الملك حسين بأخبار جولدا مائير بموعد الحرب

 

=============

س – طب الاردن ليه لم تدخل الحرب ؟

ج  - الاردن اشترطت وصول مصر للمضايق ووصول سوريا لضفه نهر الاردن لدخولها الحرب ضد اسرائيل ، وده كان معناه ان الانتصار تم خلاص عسكريا وساعتها تخش الحرب ، ولما الحرب قامت وموقف سوريا تدهور وبدل ما تفتح جبهة جديده – بعتت الاردن اللواء 90 المدرع للقتال في الجولان !!!!! وابلي بلاء حسن

=============

س – امال ايه حكاية فنكوش الحرب وكانت تمثيلية والكلام اللي بنشوفه علي النت وفي الفيديوهات دي ؟

ج – المطلوب منك انك تكفر بكل الثوابت اللي في عقلك علشان يكون عقلك تابع لاعداء مصر داخل وخارج مصر وعلشان تصدق اي شئ يقال لك – شتموا في سعد زغلول ومصطفي كامل ومحمد فريد ومحمد علي كرموز وطنية ومجدوا في الملك فاروق كيدا في ثورة يوليو 52 وعلشان يغسلوا دماغك ان كل التاريخ اللي انت عارفه ده كذب في كذب

ودي روابط لصور فيها اعترافاتهم

اعترافات عالمية

 

اعترافات اسرائيلية 1

اعترافات اسرائيلية2

اعترافات اسرائيلية 3

اعترافات اسرائيلية 4 

 

وشوف انت تحب تصدق مين ؟

=============

س – يعني فعلا الحرب دي كانت انتصار لنا ؟

ج – الحرب 5 معارك كبري – العبور واحنا انتصرنا فيه – الهجوم المضاد الاسرائيلي واحنا انتصرنا – تطوير الهجوم بتاعنا انتصرت اسرائيل والثغره انتصار اسرائيلي يبقي كده النتيجه 2- 2 فاضل بقه معركه تصفية الثغره واللي اسمها الخطة شامل معدلة اللي اتطورت من الخطه واصل لتدمير الثغره ودي لما امريكا اكتشتفها بالاقمار الصناعية جري كسينجر وقابل السادات في اسوان وطلب منه عدم تنفيذ الخطة مقابل انسحاب اسرائيل من الثغرة يعني انتصرنا بدون قتال يبقي كده نتيجه الحرب 3 مصر – 2 اسرائيل

=============

س – اية حكاية مشاركة دول عربية في الحرب والكلام ده ؟

ج – ده كلام بنسمعة ونقرأة كل يوم – انت عارف ان النصر له مليون أب والهزيمة يتيمة ، والانترنت مجال خصب اي حد يقول اي حاجه ويصدقها اللي ملوش تاريخ بيحاول يعمل لنفسة تاريخ وكفاية كده ، لكن علشان نكون منفصفين نقول

1-    العراق – شارك سرب عراقي في الحرب عندنا من أول يوم لاخر يوم

2-    فلسطين – كتيبة حرس وطني قاتلت في الثغره ببسالة

3-    الكويت – كتيبة انسحبت من الثغره للقاهرة بدون قتال وفي الطريق تم قصف رتل العربات بالطيران الاسرائيلي واستشهد عدد منهم

غير ذلك حضرت قوات عربية كتير ( الجزائر – المغرب – تونس – السودان ) لكنها حضرت بعد انتهاء الحرب الفعلية وبعضها شارك في احتواء الثغرة ومعارك قصف مدفعي

ولو عندك اسئلة تانية اهلا بيك في أي وقت موقعنا وصفحتنا الرسمية علي الفيس بوك موجوده واحنا بنرد علي كل سؤال ولدينا تاريخ حرب اكتوبر واضح جدا ولا نخفي أي شئ

 

موقعنا

صفحه الفيس بوك

Share
Click to listen highlighted text! Powered By GSpeech