Click to listen highlighted text! Powered By GSpeech
Get Adobe Flash player
الخميس 27 سبتمبر -ندوة حزب الوفد - طنطا ***** 7 أكتوبر 2018 ندوة بجامعة الازهر كلية لغات وترجمة ***** 8 أكتوبر ندوة بمدرسة أيليت الخاصة **** 9 اكتوبر ندوة بمكتبة الاسكندرية **** 20 أكتوبر ندوة بمكتبة القاهرة الكبري بالزمالك*****

إستغاثة من المجموعة 73 مؤرخين لمن يهمة أمر الوطن

صرخه تعب وأستغاثه من المجموعة 73 مؤرخين

هام لمن يهمة الامر ويهمة تاريخ مصر والمخاطر المقبلة عليها مصر

أتمني صرختنا توصل للرئيس لان محدش تاني عايز يوصل لسيادتة  

شغلنا وبيحاربونا علشان نقفل شغلنا وخلاص احنا تعبنا – سكتنا كتير جدا واتهددنا كتير جدا

من جوة مصر وبرة كمان وأتشوهت سمعتنا بفعل فاعل ومش هنسكت

وخصوصا في  اخر 5 سنوات لما عملنا تطور وزاد وظهر للناس

سنستمر في عملنا ضد اعداء الوطن داخل الوطن نفسة لان ده واجبنا

ولان لجيشنا تاريخ يستحق أن يروي ، ولانكم زائلون ومصر باقية ..

وهييجي يوم قريب او بعيد واعداء الوطن يلقوا جزائهم العادل من أبناء الوطن

************************************************************

هو ليه بنسيب بيوتنا ونشتغل في المجموعة 73 مؤرخين بقالنا 10 سنين  ؟

هو ليه بقالنا 10 سنين بنصرف من فلوس بيوتنا علي شغل المجموعة ؟

هو ليه يتقال علينا اعداء للوطن زينا زي الارهابيين  ؟

هو ليه عايزين تجبرونا نكره البلد ؟

هو لية مطلبناش من البلد فلوس  ؟

هو ليه مصرين علي اهدار طاقات الشباب المحب لوطنه بجد ؟

هو لية شعار تحيا مصر بقة سبوبة بدون أي فعل للبعض سوي التملق ؟

هو ليه محدش في السلطة مهتم باللي بنعملة الا لو كان شغلنا ينال رضا البية الموظف ويدخل مزاجة علشان يستغله للتملق للاعلي منة حتي قمة الهرم  ؟

هو ليه ناس مصرة تكسر كلام الريس علي توثيق تاريخ وأفلام حرب أكتوبر ؟

هو لية مشروعنا ل 11 فيلم حربي اتحط في الدرج .، علشان تكلفة 11 فيلم بدون فساد تساوي تكلفة فيلم واحد قدمه فلان ؟

هو ليه مش بنعمل سبوبة باللي معانا وتحت ايدنا ؟

هو لية يتقال اننا بنبيع تاريخنا ؟  هو ده كان بقي حالنا ؟

هو ليه مشروع معركة الوعي مش بينول رضا البية المسئول ، ولا علشان مفيش وراه سبوبة ؟

هو ليه فية ناس قذرة بالشكل ده في البلد ؟

هو ليه اللي وقف جنبا بجد هي ادارة مستشفي 57357 فقط  ؟

هو ليه اغلب رجال الاعمال الكبار رفضوا مساعدتنا ( ساويرس – ابو العنين – ابو هشيمة ) ؟

هو لية نتهدد جوة بلدنا  من جهات خارجية ، ولمصلحة مين ؟

هو ليه الفنان القذر ضريب المخدرات يبقي قدوة للشباب ؟

هو ليه الاصرار علي دفن البطولات الحقيقية ؟

هو لية ناس شغلها الاصيل التوعية ومصلحة البلد موقفة لنا المراكب كلها ، علشان احنا شباب وهناكل الجو منهم  ؟

هو لية يتقال لنا لو انتم في اي بلد تاني كنتم بقيتم حاجه كبيرة اوي بس مش في مصر ؟

هو ليه عايزين يجبرونا نوقف شغلنا ؟

هو لية اتقال لنا من جهة رسمية في مصر – هنعتقلكم لان شغلكم مش عاجب فلان بية ؟

هو لية اتقال لنا هنقفل شغل المجموعة لانها بتلمع ناس مش في السلطة دلوقت ؟

هو ليه يشاع عنا في جهه رسمية أننا ممولين من خارج مصر ؟

هو ليه يتقال لنا عدوكم منفسن منكم واصبروا لحد ما يمشي والابواب هتفتح لكم ؟

هو ليه اتقال لنا روحوا بيوتكم أحسن وكبروا دماغكم من حرب أكتوبر والتاريخ والبطولات ؟

هو ليه أتقال لنا جهة رسمية ضدكم علشان شغلكم أحسن من شغلهم وهم ميزانيتهم مليارات ؟

هو لية اتقال لنا حرب أية وبطولة أية اشتغلوا في الهلس افيد لكم  ؟

هو ليه ممنوع نبرز بطولات الجيش ضد الارهاب ؟

هو لية جه ناس من برة مصر مخصوص علشان يعرفوا أحنا مين فعلا  وهددونا  ؟

هو لية حب الوطن عند ناس مهمه اصبح تملق للأعلي منة فقط ؟

هو لية مصلحة ناس كتير أن الشعب يفضل بدون وعي ؟

هو لية مصلحة ناس كتير أن شغل المجموعة ميشوفش النور ؟

هو ليه فية جهة رسمية بتحارب المجموعة 73 مؤرخين من 5 سنين ؟

هو لية شغلنا أتسرق من داخل جهة رسمية واتباع لمنتجين علي انه شغلهم ؟

هو ليه القنوات الفضائية مهتمه بشغلنا لو بس ببلاش ؟

هو ليه برامج وافلام السفالة والعري هي المفروض نشوفها ؟

هو ليه يتخرب بيت واحد أمن بالبلد كوطن وتاريخ مش سبوبة  ومصلحه وتملق للنظام ؟

هو ليه جمعيات علي الورق فقط تتلقي تمويل بالملايين ؟

هو ليه ناس قذرة تتلمع ولحساب مين ؟

Share
Click to listen highlighted text! Powered By GSpeech