Click to listen highlighted text! Powered By GSpeech
Get Adobe Flash player
مستمرين معاكم من 2008 *** 2008-2023 **** #لان_لجيشنا_تاريخ_يستحق_أن_يروي **** ***** إنشروا تاريخنا وشاركونا في معركة الوعي **** تابعونا علي قناة اليوتيوب 1100+ فيديو حتي الان **** تابعونا علي صفحات التواصل الاجتماعي** أشتركوا معنا في رحلاتنا لمناطق حرب أكتوبر **** يرجي استخدام خانة البحث
  • تعريف بالمجموعة و أعضاءها

     مؤسسة مؤرخي مصر للثقافه ( المجموعة 73 مؤرخين ) المشهرة برقم 10257 لسنه 2016  المجموعه 73 مؤرخين ، مؤسسه ثقافيه للتأريخ والابحاث التاريخيه نشأت عام 2008 - وهي عباره...

    إقرأ المزيد...

بطل الشهر

بطل الشهر /  العميد يسري عمارة 

 

 

الــصـفـحـة الـرئيسيــة

قصيده حكايه شهيد

 

 

((( حكاية شهيد )))

=================

تحيا سينا في كل ذكري و كل عيد

في كل محنة لما تلاقي ولدها مقاتل عنيد

و كل مصري لما يدافع عنها بالعزم الشديد

تحيا سينا ... تحيا سينا قولها دايماً

و اسمع مني ...... حكاية شهيد

في عز ليل الحرب الحزين

و عز آلام الوطن و الأنين

جهز أمير الشنطة

قالتله الزوجة علي فين !!!

قالها لأرض سينا غلبني الحنين

بصتله الزوجة و فـ عنيها الدموع

قالتله خايفة و خوفي عليك مشروع

و هتبقي وسط النيران لا سقف يحميك و لا دروع

و أنا لسه يا دوبك عروسة جديدة

لا هعرف أعرف و لا هبقي سعيدة

كان رده أموت و لا لحظة يعيش الوطن موجوع

قالتله في غيابك هقيد الشموع

و هستني منك لحظة رجوع

و إياك تخضع لعدو

ده لله وحده الخضوع

قالها متزعليش إن كنت عنك هغيب

ده الوطن ناداني و هو أغلي حبيب

و إن كنت هموت و مش راجع

فالشهادة عندي أغلي نصيب

قالتله مش هبخل بيك ع الوطن

أنا بس زعلانة إني مفرحتش بيك

و حتي لو جتلي في كفن

هصبر علي فراقك لكن هتوحشني عينيك

هيوحشني صوتك و لحظة سكوتك

و لحظة سعادة ... عاشت فيا و فيك

شال أمير سلاحه

و نسي إنه كان عريس

رجع من تاني لكفاحه

لجل يزيح الليل الكبيس

لجل يرجع لوطنه إشراقة صباحه

و يمحي من ع الأرض عدوه الخسيس

و قال لسينا و الله ما اسيبك

إما الشهادة .. أو فك قيد الوطن الحبيس

و فـ عز جهاد البطل جاله مرسال

من زوجته اللي افتكر الوطن و نسيها

بتقوله إزيك حبيبي و إزي الحال

ده أنا برضه حبيبتك

و زي ما بترضي الوطن لازم ترضيها

ما تخافش أنت دايماً ع البال

و فاكرة الأغاني اللي كنت وياك بغنيها

و فـ غيابك حبيبي الدمع سال

لكن مصر أحق بإنك تدافع عن أراضيها

حارب الخونة ع الأرض و في الجبال

ده أنا بكره هيجيني منك ولد

و لو بنت قولي بأي اسم اسميها

كتب أمير الرد في عز القتال

و الدنيا مقلوبة و عاليها واطيها

قالها إن مُت و كان ولد سميه جمال

و قوليله إن البلد دي لازم تحميها

و بعزمه يحارب كل مُحتال

و يعيش لجل مصر و يحقق أمانيها

و إنه مهما اتعذب أو للهم شال

يقول دي بلدي ملهاش غيري و لازم أعليها

و إن كانت بنت سميها آمال

و علي حب مصر و جيشها لازم تربيها

مرت الأيام

و معاها عدت شهور

و لسه جيشنا بيحارب

لجل عدونا يغور

و معاه الشعب مستني

بالأمل لحظة عبور

و فــ يوم كان البطل ع الجبهة

و شايل في إيديه السلاح

جاتله رصاصة غدر

انهت مشوار الكفاح

ما ده اللي كان يتمني موته

و لا يعيش الوطن من أعداءه مستباح

و بعد ما نال الشهادة

اتولد ابنه مع إشراق الصباح

مرت الأيام

و كان لينا في أكتوبر النصر

لا الجندي اغتني

و لا عاش من كفاحه في قصر

ده كان كفاحه لوطن

و جنة كبيرة اسمها مصر

كبر الولد

و من بعد الشهيد شال الراية

بقي ضابط مقاتل

و أمان الوطن في قلبه ... هو الغاية

و قصة كفاح والده

بالنسبة ليه ... هيا أجمل حكاية

و أقسم بربه اللي خلق العباد

ليكون لوطنه درع و حماية

و راح المقاتل سينا

لجل ما يطهرها من الإرهاب

و ينشر فيها الأمن

و يحميها من كل خاين كداب

ده حب الوطن باقي

و عشانه نشقي و نشوف العذاب

و فـ مكالمة بين الأم و ابنها

افتكرت أبوه و فاضت دموع حزنها

قالتله يا ابني .. أنت ع الوطن متغلاشي

و ترجعلي بالنصر يا إما بلاشي

ده العيشة من غير وطن

و الله ما تسواشي

 

 

بقلم : د.شيرين غنيم

Share

مـعـرض الـوثـائـق

مـعـرض الـفـيـديـو

Youtube

Cannot Connect to Youtube Server


Cannot Connect to Youtube Server
Cannot Connect to Youtube Server
Cannot Connect to Youtube Server
Cannot Connect to Youtube Server
Cannot Connect to Youtube Server
Cannot Connect to Youtube Server

   

 

  

زوار اليوم
زوار امس
زوار الاسبوع
زوار الشهر
اجمالى الزوار
1854
3306
5160
8046
34560979

معرض الصور

المتواجدون حاليا

54 زائر، ولايوجد أعضاء داخل الموقع

اتصل بنا

الراسل 
الموضوع 
الرسالة 
    
Click to listen highlighted text! Powered By GSpeech