شعر
احمد مجدى صادق امين
انا الجندى
انا الجندى اللى بحميكى
وحفضل ليكى انا الجندى
انا اللى الكل لو قسيوا
مفيش غيرك حبيب عندى
انا الجندى اللى عاش مجروح
بحاول اخبى فى جروحى
ليظهر ضعفى قدامك
وتحزن روحى من روحى
انا اللى بكل قوه أدمر
ومن يعاديكى يستاهل
وروحى فداكى يا بلدى
ده اسم المصرى مش ساهل
انا اللى الدنيا قدامى
مجرد وهم مش اكتر
عشان الجنه احلامى
وباستشهادى راح اقدر
راح اقدر اقول يا بلدى انا رحت
لاجل ترابك الدافى
ومهما قاسيت وفيكى انا دوخت
اهون ومنايا ما تخافى
انا اللى ما دقت طعم النوم
لاجل احميكى وأصونك
وان جالك عدو فى يوم
حكون دايما فدا عيونك
وبالرغم انى متغرب
فى بلدى فى وسط احبابى
ومهما بتبعدى بقرب
انا الجندى اللى بحميكى 2)
سواء جوه سواء بره
وحفضل دايما اناديكى
سواء طاير ف كام قاره
ما اصل الطير لابد يعود
ومهما طالت الايام
ومهما كان ما بيننا حدود
بشوفك دايمه فى الاحلام
ده جين الحب فى جدودى
ومهما طال علينا الدهر
راح افضل انادى لتعودى
وروحى فداكى هيه المهر
وقالوا المصرى خير الجند
وانا قلت انتى سر الخير
ما انتى الام وانتى الاب
وكل ما فيه ده تاثير
ده تاثيرك يا محروسه
ده كله الضلمه وانتى النور
ولو سابونى اتكلم
كلام الحب يملا بحور
وان جرحوكى زاد جرحى
وزاد الهم جوايا
وان تبتسمى زاد فرحى
يرفرف قلبى ويايا
وبرضه الجندى مش عسكر
وبس سلاحه الحامى
ما اصلى انا جندى ومواطن
فى وقت سكوتى وكلامى
انا الفنان, انا الدكتور
انا مهندس, انا محامى
انا السباك, انا الجزار 3)
وكمان مسئول واعلامى
انا اللى ضميرى يحييكى
وحبك نور فى احلامى
وقالوا زمان فى بانيكى
ده كان فى الاصل حلوانى
اظنه ملاك وداب فيكى
دى مصر الجنه سحرانى
انا الجندى فى كل مكان
انا الجندى انا الانسان
انا المصرى انا ابنك
وحبنا بيننا هوه امان
ولو حبك يكون الهدف
وفدا حبك ده كله يهون
اكيد هتكونى كل الخير
تكونى ملاك وتاج الكون